Св.преподобный Феодосий Черниговский

Свя­ти­тель Фе­о­до­сий, ар­хи­епи­скоп Чер­ни­гов­ский, ро­дил­ся в на­ча­ле трид­ца­тых го­дов XVII сто­ле­тия в По­доль­ской гу­бер­нии. Он про­ис­хо­дил из древ­не­го дво­рян­ско­го ро­да По­ло­ниц­ких-Уг­лиц­ких; ро­ди­те­ля­ми его бы­ли иерей Ни­ки­та и Ма­рия. Бла­го­че­стие, ца­рив­шее в се­мье бу­ду­ще­го свя­ти­те­ля, бла­го­твор­но со­дей­ство­ва­ло ду­хов­но­му раз­ви­тию маль­чи­ка. С дет­ства он от­ли­чал­ся кро­то­стью и при­ле­жа­ни­ем к мо­лит­ве. При­род­ные спо­соб­но­сти юно­ши рас­кры­лись в Ки­е­во-Брат­ской кол­ле­гии при Ки­ев­ском Бо­го­яв­лен­ском мо­на­сты­ре. Это бы­ло вре­мя са­мо­го рас­цве­та кол­ле­гии (ко­нец со­ро­ко­вых го­дов XVII ве­ка), ко­гда ее рек­то­ра­ми бы­ли ар­хи­манд­рит Ин­но­кен­тий (Ги­зель), а за­тем игу­мен, впо­след­ствии ар­хи­епи­скоп Чер­ни­гов­ский, Ла­зарь (Ба­ра­но­вич), а в чис­ле на­став­ни­ков – иеро­мо­нах Епи­фа­ний (Сла­ви­нец­кий), иеро­мо­нах Ар­се­ний (Са­та­нов­ский), епи­скоп Бе­ло­рус­ский Фе­о­до­сий (Ба­ев­ский), игу­мен Фе­о­до­сий (Са­фо­но­вич) и Ме­ле­тий (Дзик), ко­то­рые бы­ли про­све­щен­ней­ши­ми людь­ми то­го вре­ме­ни. То­ва­ри­ща­ми свя­то­го Фе­о­до­сия по кол­ле­гии бы­ли бу­ду­щие вы­да­ю­щи­е­ся пас­ты­ри: Си­ме­он По­лоц­кий, Иоан­ни­кий Го­ля­тов­ский, Ан­то­ний Ра­ди­вил­лов­ский, Вар­ла­ам Ясин­ский. Ки­е­во-Брат­ская Бо­го­яв­лен­ская шко­ла яв­ля­лась в то вре­мя глав­ным цен­тром борь­бы пра­во­сла­вия про­тив на­па­док ка­то­ли­че­ско­го ду­хо­вен­ства, иезу­и­тов и уни­а­тов.

В го­ды обу­че­ния окон­ча­тель­но утвер­ди­лось при­зва­ние свя­то­го Фе­о­до­сия к ино­че­ско­му по­дви­гу: всё сво­бод­ное от за­ня­тий вре­мя он от­да­вал мо­лит­ве, бо­го­мыс­лию и чте­нию Свя­щен­но­го Пи­са­ния.

Мож­но по­ла­гать, что свя­той не окон­чил пол­но­го кур­са кол­ле­гии, так как по­сле ра­зо­ре­ния По­до­ла по­ля­ка­ми она на несколь­ко лет пре­кра­ти­ла свою де­я­тель­ность. Свя­ти­тель на всю жизнь со­хра­нил глу­бо­кую при­зна­тель­ность вос­пи­тав­ше­му его Ки­е­во-Брат­ско­му мо­на­сты­рю. В си­но­ди­ке Ки­е­во-Вы­ду­биц­ко­го мо­на­сты­ря сде­ла­но сле­ду­ю­щее за­ме­ча­ние о свя­том Фе­о­до­сии: "Был он муж бла­го­ра­зу­мен и бла­го­тво­рящ Ки­ев­ско­му Брат­ско­му мо­на­сты­рю".

По по­лу­че­нии об­ра­зо­ва­ния бу­ду­щий свя­ти­тель при­нял ино­че­ский по­стриг в Ки­е­во-Пе­чер­ской Лав­ре с име­нем Фе­о­до­сий, в честь пре­по­доб­но­го Фе­о­до­сия Пе­чер­ско­го (па­мять 3 мая).

Ки­ев­ским мит­ро­по­ли­том Ди­о­ни­си­ем (Ба­ла­ба­ном) он был по­став­лен ар­хи­ди­а­ко­ном Ки­е­во-Со­фий­ско­го со­бо­ра, а за­тем на­зна­чен на­мест­ни­ком мит­ро­по­ли­чье­го ка­фед­раль­но­го до­ма. Но вско­ре он оста­вил Ки­ев и по­се­лил­ся в от­да­лен­ном Кру­тиц­ком мо­на­сты­ре (Чер­ни­гов­ской епар­хии), воз­ле ме­стеч­ка Ба­ту­ри­на, сла­вив­шем­ся стро­гой ино­че­ской жиз­нью. Там он был по­свя­щен в сан иеро­мо­на­ха. В 1662 го­ду свя­той Фе­о­до­сий был на­зна­чен игу­ме­ном Кор­сун­ско­го мо­на­сты­ря Ки­ев­ской епар­хии, а в 1664 го­ду – на­сто­я­те­лем древ­не­го Ки­е­во-Вы­ду­биц­ко­го мо­на­сты­ря. Эта оби­тель неза­дол­го пе­ред тем на­хо­ди­лась в ру­ках уни­а­тов и бы­ла со­вер­шен­но ра­зо­ре­на. Но свя­то­му Фе­о­до­сию бла­го­да­ря сво­ей энер­гии и на­стой­чи­во­сти уда­лось быст­ро воз­ро­дить Вы­ду­биц­кий Ми­хай­лов­ский мо­на­стырь. Он осо­бен­но за­бо­тил­ся об устро­е­нии цер­ков­но­го бла­го­ле­пия. Он со­здал пре­крас­ный хор, ко­то­рый сла­вил­ся не толь­ко в Ма­ло­рос­сии, но и в Москве, ку­да свя­той Фе­о­до­сий в 1685 го­ду по­сы­лал сво­их пев­чих. За­бо­тясь о ду­хов­ном воз­рас­та­нии на­сель­ни­ков оби­те­ли, свя­той игу­мен, сам стро­гий по­движ­ник, устро­ил в 1680 го­ду неда­ле­ко от оби­те­ли, на ост­ро­ве Ми­хай­лов­щине, неболь­шой скит для бра­тии, же­лав­шей уеди­не­ния. Он на­зна­чил ту­да устро­и­те­лем и на­мест­ни­ком од­но­го из са­мых рев­ност­ных ино­ков оби­те­ли – иеро­мо­на­ха Иова (Опа­лин­ско­го). В быт­ность свя­то­го Фе­о­до­сия игу­ме­ном Ки­е­во-Вы­ду­биц­ко­го мо­на­сты­ря ему при­шлось пе­ре­жить тя­же­лые дни. Вме­сте с дру­ги­ми игу­ме­на­ми он был об­ви­нен Ме­фо­ди­ем, епи­ско­пом Мсти­слав­ским и Ор­шан­ским, в из­мене рус­ско­му пра­ви­тель­ству и в мни­мой пе­ре­пис­ке с из­мен­ни­ка­ми Рос­сии. 20 сен­тяб­ря 1668 го­да свя­то­му Фе­о­до­сию при­шлось да­вать объ­яс­не­ния по это­му де­лу. 17 но­яб­ря 1668 го­да кле­ве­та бы­ла об­на­ру­же­на, и свя­той Фе­о­до­сий вме­сте с дру­ги­ми игу­ме­на­ми по­лу­чил про­ще­ние. Прео­свя­щен­ный Ла­зарь (Ба­ра­но­вич) оце­нил вы­со­кие ду­хов­ные ка­че­ства свя­то­го Фе­о­до­сия и при­бли­зил его к се­бе. Он на­зы­вал его "ов­цой ста­да Хри­сто­ва, на­учив­шей­ся по­кор­но­сти", и про­ро­че­ски же­лал, чтобы имя свя­то­го Фе­о­до­сия бы­ло на­пи­са­но на небе­сах. Ко­гда в 1679 го­ду прео­свя­щен­ный Ла­зарь стал ме­сто­блю­сти­те­лем Ки­ев­ской мит­ро­по­лии, он на­зна­чил свя­то­го Фе­о­до­сия сво­им на­мест­ни­ком в Ки­е­ве, а сам оста­вал­ся в Чер­ни­го­ве. В ка­че­стве на­мест­ни­ка ме­сто­блю­сти­те­ля Ки­ев­ской мит­ро­по­лии свя­той Фе­о­до­сий при­ни­мал де­я­тель­ное уча­стие во мно­гих цер­ков­ных со­бы­ти­ях. В 1685 го­ду он участ­во­вал с пра­вом ре­ша­ю­ще­го го­ло­са в из­бра­нии епи­ско­па Ге­део­на (Чет­вер­тин­ско­го) мит­ро­по­ли­том Ки­ев­ским и вме­сте с Иеро­ни­мом (Ду­би­ною), игу­ме­ном Пе­ре­я­с­лав­ским, был по­слан в Моск­ву с из­ве­ще­ни­ем об из­бра­нии. В Москве оба пред­ста­ви­те­ля бы­ли при­ня­ты с по­че­том и ува­же­ни­ем. Ре­зуль­та­том это­го по­соль­ства бы­ло вос­со­еди­не­ние Ки­ев­ской мит­ро­по­лии с Рус­ской Пра­во­слав­ной Цер­ко­вью.

В 1688 го­ду свя­той Фе­о­до­сии был на­зна­чен ар­хи­манд­ри­том Чер­ни­гов­ско­го Елец­ко­го мо­на­сты­ря на ме­сто по­чив­ше­го ар­хи­манд­ри­та Иоан­ни­кия (Го­ля­тов­ско­го). С то­го вре­ме­ни вся де­я­тель­ность свя­то­го пе­ре­но­сит­ся из Ки­е­ва в Чер­ни­гов. Это на­зна­че­ние со­сто­я­лось глав­ным об­ра­зом по же­ла­нию прео­свя­щен­но­го Ла­за­ря. Свя­то­му Фе­о­до­сию при­шлось нема­ло по­тру­дить­ся над бла­го­устрой­ством Елец­кой оби­те­ли, так как мо­на­стырь этот, еще не опра­вив­ший­ся по­сле опу­сто­ше­ния иезу­и­та­ми и до­ми­ни­кан­ца­ми, был весь­ма бе­ден и неустро­ен. Тру­да­ми свя­то­го Фе­о­до­сия уда­лось до­стиг­нуть в про­дол­же­ние двух-трех лет для Елец­кой оби­те­ли бла­го­со­сто­я­ния, вполне обес­пе­чи­вав­ше­го ее су­ще­ство­ва­ние. Свя­той и в сво­ей но­вой долж­но­сти ока­зы­вал все­мер­ное со­дей­ствие прео­свя­щен­но­му Ла­за­рю во всех важ­ных де­лах. Он участ­во­вал в со­став­ле­нии со­бор­но­го от­ве­та Мос­ков­ско­му пат­ри­ар­ху Иоаки­му на его во­прос­ные гра­мо­ты об от­но­ше­нии Ки­ев­ской мит­ро­по­лии к Фло­рен­тий­ско­му Со­бо­ру и в об­суж­де­нии во­про­са о вре­ме­ни пре­су­ществ­ле­ния Свя­тых Да­ров, под­ня­то­го на этом Со­бо­ре. Ко­гда же пат­ри­арх не удо­вле­тво­рил­ся эти­ми от­ве­та­ми и в Моск­ву в на­ча­ле 1689 го­да был по­слан Ба­ту­рин­ский игу­мен свя­той Ди­мит­рий (Туп­та­ло) (бу­ду­щий мит­ро­по­лит Ро­стов­ский), свя­той Фе­о­до­сий ез­дил с ним в ка­че­стве пред­ста­ви­те­ля от прео­свя­щен­но­го Ла­за­ря. Ему по­ру­че­но бы­ло пе­ре­дать пат­ри­ар­ху от­вет­ное пись­мо и вы­яс­нить недо­ра­зу­ме­ния. 11 сен­тяб­ря 1692 го­да свя­той Фе­о­до­сий был тор­же­ствен­но хи­ро­то­ни­сан во ар­хи­епи­ско­па в Успен­ском со­бо­ре Мос­ков­ско­го Крем­ля.

Об управ­ле­нии свя­ти­те­лем Фе­о­до­си­ем Чер­ни­гов­ской епар­хи­ей со­хра­ни­лось ма­ло све­де­ний. Осо­бен­ное вни­ма­ние свя­ти­тель об­ра­щал на про­буж­де­ние и под­дер­жа­ние в пастве ду­ха ис­тин­но хри­сти­ан­ско­го бла­го­че­стия. С этой це­лью он за­бо­тил­ся о под­дер­жа­нии ста­рых и устрой­стве но­вых мо­на­сты­рей и хра­мов. В са­мом на­ча­ле его свя­ти­тель­ства по его бла­го­сло­ве­нию был со­здан Пе­че­ник­ский де­ви­чий мо­на­стырь, и он сам освя­тил храм этой оби­те­ли в честь Успе­ния Пре­свя­той Бо­го­ро­ди­цы. В 1694 го­ду по его бла­го­сло­ве­нию был ос­но­ван Лю­бец­кий скит в двух вер­стах от Лю­бе­ча; в 1694 го­ду свя­ти­тель освя­тил в Дом­ниц­ком муж­ском мо­на­сты­ре храм в честь Рож­де­ства Пре­свя­той Бо­го­ро­ди­цы, а ле­том 1695 го­да – ве­ли­че­ствен­ный храм в честь Пре­свя­той Бо­го­ро­ди­цы, по­стро­ен­ный на вер­шине го­ры Бол­дин­ской близ древ­не­го Ильин­ско­го мо­на­сты­ря. При свя­ти­те­ле Фе­о­до­сии в Чер­ни­гов­ской епар­хии за­ме­ча­ет­ся осо­бен­ный подъ­ем и уси­ле­ние ино­че­ства. Свя­ти­тель уде­лял так­же боль­шое вни­ма­ние ду­хо­вен­ству и был стро­го раз­бор­чив при вы­бо­ре кан­ди­да­тов свя­щен­ства. Он осо­бен­но по­кро­ви­тель­ство­вал чер­ни­гов­ским ду­хов­ным шко­лам, при­гла­шал в них из Ки­е­ва уче­ных мо­на­хов, сре­ди ко­то­рых был свя­той Иоанн (Мак­си­мо­вич), бу­ду­щий мит­ро­по­лит То­боль­ский, сде­лав­ший­ся впо­след­ствии по­мощ­ни­ком и пре­ем­ни­ком свя­ти­те­ля и устро­и­те­лем чер­ни­гов­ских ду­хов­ных школ. Стро­гая спра­вед­ли­вость в от­но­ше­нии к ду­хо­вен­ству и пастве, глу­бо­кое со­стра­да­ние, снис­хо­ди­тель­ность и хри­сти­ан­ское ми­ро­лю­бие бы­ли от­ли­чи­тель­ны­ми чер­та­ми де­я­тель­но­сти свя­ти­те­ля Фе­о­до­сия. К нему ча­сто об­ра­ща­лись за по­мо­щью и со­ве­том не толь­ко пра­во­слав­ные, но и ли­ца дру­гих ис­по­ве­да­ний.

Но недол­го свя­ти­тель Фе­о­до­сии окорм­лял Чер­ни­гов­скую паст­ву. Чув­ствуя при­бли­же­ние смер­ти, он вы­звал к се­бе в Чер­ни­гов на­мест­ни­ка Брян­ско­го Свен­ско­го мо­на­сты­ря, свя­то­го Иоан­на (Мак­си­мо­ви­ча) и воз­вел его из иеро­мо­на­ха в ар­хи­манд­ри­та Чер­ни­гов­ско­го Елец­ко­го мо­на­сты­ря. В но­вом ар­хи­манд­ри­те он за­ра­нее го­то­вил се­бе пре­ем­ни­ка. 6 фев­ра­ля 1696 го­да свя­ти­тель Фе­о­до­сий скон­чал­ся и был по­гре­бен в Чер­ни­гов­ском ка­фед­раль­ном Бо­ри­со­глеб­ском со­бо­ре, за пра­вым кли­ро­сом, в осо­бо сде­лан­ном для то­го скле­пе. Впо­след­ствии его пре­ем­ник свя­ти­тель Иоанн (Мак­си­мо­вич) по­стро­ил над его гро­бом кир­пич­ный свод с хва­леб­ной над­пи­сью в сти­хах в бла­го­дар­ность за чу­дес­ное ис­це­ле­ние от тяж­кой бо­лез­ни. Осо­бое бла­го­дат­ное да­ро­ва­ние, ко­то­рое стя­жал свя­ти­тель Фе­о­до­сий, за­сви­де­тель­ство­ва­но его по­движ­ни­че­ской жиз­нью и со­кро­вен­ной по­мо­щью всем, воз­но­сив­шим ему мо­лит­вы.

Про­слав­ле­ние свя­ти­те­ля Фе­о­до­сия со­вер­ши­лось 9 сен­тяб­ря 1896 го­да.

«Еще до прославления свт. Феодосия Черниговского (1896), иеромонах (знаменитый старец Алексий из Голосеевского скита Киево-Печерской Лавры, умерший в 1916 г.), переоблачавший мощи, устал, сидя у мощей, задремал и увидел перед собой Святого, который сказал ему: “Спасибо тебе за труд для меня. Прошу также тебя, когда будешь служить Литургию, упомянуть моих родителей”; и он дал их имена (иерей Никита и Мария). До видения эти имена были неизвестны. Спустя несколько лет после канонизации в монастыре, где св. Феодосий был игуменом, был найден его собственный помянник, который подтвердил эти имена, подтвердил истинность видения. “Как можешь ты, святителю, просить моих молитв, когда сам ты стоишь перед Небесным Престолом и подаешь людям Божию благодать?” – спросил иеромонах. “Да, это верно, – ответил св. Феодосий, – но приношение на Литургии сильнее моих молитв”».

Конда́к 1.

Избра́нный чудотво́рче, вели́кий уго́дниче Христо́в, святи́телю о́тче Феодо́сие, нетле́нием моще́й твои́х и мно́жеством чуде́с от Бо́га просла́вленный, в пе́снех ра́достных ублажа́ем тя́, засту́пника на́шего. Ты́ же, я́ко име́яй дерзнове́ние ко Го́споду, от вся́ких на́с бе́д свобожда́й, да зове́м ти́:

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

И́кос 1.

А́нгел во пло́ти яви́лся еси́, богому́дре Феодо́сие, а́нгельскими нра́вы измла́да себе́ украша́я; те́мже и А́нгел це́ркве Черни́говския досто́йне поста́влен бы́л еси́ от Бо́га, все́х наставля́я ко спасе́нию и все́м явля́я в себе́ пра́вило ве́ры и о́браз кро́тости, воздержа́ния же и любве́. Сего́ ра́ди, ча́да твоя́ су́ще, любо́вию вопие́м ти́ си́це:

Ра́дуйся, А́нгеле земны́й и челове́че небе́сный; ра́дуйся, небе́сных си́л собесе́дниче и сослужи́телю.

Ра́дуйся, в житии́ твое́м безпло́тным поревнова́вый; ра́дуйся, и по сме́рти с ни́ми водвори́выйся.

Ра́дуйся, от ю́ности Христа́ все́м се́рдцем твои́м возлюби́вый; ра́дуйся, от у́тра жи́зни твоея́ Тому́ еди́ному порабо́тавый.

Ра́дуйся, вся́ за́поведи Госпо́дни ве́рно и непоро́чно сохрани́вый; ра́дуйся, мно́г пло́д духо́вный о Христе́ сотвори́вый.

Ра́дуйся, усе́рдною моли́твою ду́х тво́й окрили́вый; ра́дуйся, чту́щих любо́вию па́мять твою́ от бе́д покрыва́ющий.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 2.

Ви́дев суету́ ми́ра сего́ скороги́бнущую, все́м се́рдцем возжела́л еси́, о́тче Феодо́сие, ми́р се́й оста́вити и во и́ночестве Бо́гу послужи́ти. Те́мже и́го Христо́во благо́е и ле́гкое усе́рдне восприя́в, и́нок святы́я оби́тели Киево-Пече́рския смире́н и послушли́в бы́л еси́, воспева́я все́х Творцу́ а́нгельскую пе́снь: Аллилу́иа.

И́кос 2.

Ра́зум богопросвеще́нный тво́й ви́дев, святи́тель Ки́евский Диони́сий поста́ви тя́, Феодо́сие, архидиа́кона собо́рныя це́ркве Софи́и Прему́дрости Бо́жией, да слу́жиши олтарю́ Госпо́дню при соверше́нии Та́ин Бо́жиих. Мы́ же, в тебе́ избра́нный сосу́д Ду́ха Свята́го ве́дуще, со умиле́нием зове́м ти́ сицева́я:

Ра́дуйся, под кро́вом чудотво́рцев Пече́рских нача́ло по́двигов твои́х положи́вый; ра́дуйся, от ю́ности доброде́тельми мона́шескаго жития́ преизря́дно себе́ украси́вый.

Ра́дуйся, и́ноков пресве́тлая красото́; ра́дуйся, по́стников пресла́вная похвало́.

Ра́дуйся, святи́телей благогове́йных люби́мый собесе́дниче; ра́дуйся, послуша́ния нелицеме́рный рачи́телю.

Ра́дуйся, подви́жниче смире́нный, на Го́спода все́ упова́ние возложи́вый; ра́дуйся, уедине́ннаго жития́ до́брый ревни́телю.

Ра́дуйся, избра́нниче Христо́в преблаже́нный; ра́дуйся, Бо́гом да́нный на́м засту́пниче непреобори́мый.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 3.

Си́ла Бо́жия осени́ тя́, о́тче Феодо́сие, егда́ во иере́я посвяще́н бы́л еси́ от святи́теля Диони́сия и во игу́мена оби́тели Корсу́нския от него́ поста́влен, да пасе́ши Христо́во ста́до и руково́диши и́ноки ко спасе́нию, воспева́я ку́пно с ни́ми хвале́бную пе́снь в Тро́ице сла́вимому Бо́гу: Аллилу́иа.

И́кос 3.

Име́я смире́ние нелицеме́рное, пра́х и пе́пел себе́ именова́л еси́, преблаже́нне Феодо́сие, и запреще́ние от архиере́я, непови́нен сы́й, безро́потно поне́сл еси́; те́мже и мы́, ублажа́юще таково́е, вои́стину христоподража́тельное, незло́бие твое́, воспева́ем тебе́ си́це:

Ра́дуйся, а́гнче незло́бивый, никому́же зла́ за зло́ возда́вый; ра́дуйся, я́ко запреще́ние архиере́йское нося́, послуша́ние вели́кое яви́л еси́.

Ра́дуйся, я́ко тогда́ и епитрахи́ли косну́тися не дерза́л еси́; ра́дуйся, смире́нием и преда́нием себе́ в во́лю Бо́жию врага́ победи́вый.

Ра́дуйся, и́ноче боголюбе́зный, преподо́бием и кро́тостию благоукраше́нный; ра́дуйся, по́стническим житие́м, я́ко безкро́вным му́ченичеством увенча́нный.

Ра́дуйся, мона́шествующим оте́ц и наста́вник богому́дрый; ра́дуйся, оби́телей и́ноческих многоо́пытный руководи́телю.

Ра́дуйся, Престо́ла Бо́жия ве́рный и благогове́йный служи́телю; ра́дуйся, пред Бо́гом те́плый о на́с хода́таю.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 4.

Бу́рю гоне́ний на Це́рковь Бо́жию во гра́де Ки́еве воздви́же мудрова́ние лати́нское; ты́ же, богому́дре Феодо́сие, во игу́мена оби́тели Вы́дубецкия тогда́ поста́влен бы́в, сию́ от лжеуче́ния огради́л еси́, утвержда́я бра́тию свою́ в правосла́вней ве́ре непоро́чно воспева́ти Бо́гу: Аллилу́иа.

И́кос 4.

Слы́шав богоуго́дное житие́ твое́, о́тче Феодо́сие, святи́тель Бо́жий Ла́зарь, призва́ тя́ от Ки́ева в Черни́гов и, поста́вив во архимандри́та пречестны́я оби́тели Еле́цкия, сотвори́ помо́щника себе́ во управле́нии церко́внем; ты́ же с любо́вию сыно́внею послужи́л еси́ ему́ и вои́стину досто́ин яви́лся еси́, да воспева́ем ти́ сицева́я:

Ра́дуйся, ста́рцу святи́телю с любо́вию послужи́вый; ра́дуйся, я́ко сы́н отцу́ во все́м ему́ послу́шен бы́вый.

Ра́дуйся, ста́рость его́ упоко́ивый; ра́дуйся, труды́ святи́тельския ему́ облегчи́вый.

Ра́дуйся, благоле́пия церко́внаго усе́рдный рачи́телю; ра́дуйся, преда́ний апо́стольских ве́рный храни́телю.

Ра́дуйся, пра́вды ре́вностный блюсти́телю; ра́дуйся, до́лга па́стырскаго непоколеби́мый исполни́телю.

Ра́дуйся, олтаря́ Госпо́дня служи́телю непоро́чный; ра́дуйся, па́стырем све́тлый о́бразе.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 5.

Боготе́чную звезду́, к го́рнему Иерусали́му путеводя́щую и доброде́тельми све́тло сия́ющую, зря́ще тя́, преди́вный Феодо́сие, и́ноцы же и мирсти́и с любо́вию после́доваху тебе́, внима́юще твоему́ уче́нию душеполе́зному и взира́юще на о́браз чи́стаго жития́ твоего́, поуча́хуся взыва́ти с тобо́ю Бо́гу, ди́вному во святы́х Свои́х: Аллилу́иа.

И́кос 5.

Ви́дев себе́ святи́тель Ла́зарь ста́ростию преутружде́на и в си́лах теле́сных изнемо́гша, возжела́ име́ти тя́, Феодо́сие, прее́мника по себе́ во святи́тельстве и проси́ Святе́йшаго Патриа́рха Моско́вскаго посвяти́ти тя́ во архиепи́скопа. Мы́ же в се́м Бо́жие зва́ние, е́же на тебе́, уразумева́юще, любо́вию прославля́ем тя́ си́це:

Ра́дуйся, архиере́ю Бо́жий, от Предве́чнаго Архиере́я ди́вно предызбра́нный; ра́дуйся, Апо́столов досто́йный прее́мниче и усе́рдный ревни́телю.

Ра́дуйся, святи́телю Христо́в, от собо́ра святи́телей росси́йских освяще́нный; ра́дуйся, иера́рше благи́й и нищелюби́вый.

Ра́дуйся, архипа́стырю ми́лостивый и сострада́тельный; ра́дуйся, святи́телем Митрофа́ну и Дими́трию собесе́дниче и сопресто́льниче.

Ра́дуйся, архиере́ев правосла́вных красото́; ра́дуйся, па́стырю до́брый, ду́шу твою́ за о́вцы положи́ти гото́вый.

Ра́дуйся, учи́телю златослове́сный; ра́дуйся, богосве́тлый свети́льниче Це́ркве Христо́вы, во тьме́ ве́ка сего́ возсия́вший.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 6.

Пропове́дник не сло́вом то́чию, но и де́лом яви́лся еси́ Христо́ва уче́ния, святи́телю Феодо́сие, я́ко па́стырь до́брый, по о́бразу Пастыренача́льника Христа́ все́х с любо́вию наставля́я ко спасе́нию, все́м о́браз жития́ по за́поведем Христо́вым подава́я и все́х поуча́я взыва́ти при́сно Бо́гу: Аллилу́иа.

И́кос 6.

Возсия́л еси́, я́ко у́тро светоза́рное, стране́ Черни́говстей, святи́телю Бо́жий Феодо́сие, и па́ству, тебе́ вве́ренную, све́том доброде́телей твои́х озари́л еси́, смире́нием высо́кая стяжава́я и нищету́ и́ноческую соблюда́я; вся́ бо, я́же име́л еси́, неиму́щим усе́рдне раздава́л еси́. О се́м дивя́щеся, я́ко нищелю́бца соверше́ннаго ублажа́ем тя́, зову́ще:

Ра́дуйся, милосе́рдия исто́чниче неисчерпа́емый; ра́дуйся, си́рым прибе́жище благонаде́жное.

Ра́дуйся, вдови́цам ми́лостивый покрови́телю; ра́дуйся, а́лчущих неоску́дный пита́телю.

Ра́дуйся, оби́димым ско́рый засту́пниче; ра́дуйся, скорбя́щим благонаде́жный уте́шителю.

Ра́дуйся, су́щим в беда́х гото́вый помо́щниче; ра́дуйся, младе́нцем до́брый воспита́телю.

Ра́дуйся, ю́ношам и де́вам в целому́дрии наста́вниче; ра́дуйся, ста́рцем и немощны́м тве́рдое укрепле́ние.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 7.

Хотя́ все́м се́рдцем твои́м еди́ному Го́споду благоугожда́ти, по́двигом до́брым до конца́ подвиза́лся еси́, Феодо́сие, труды́ к трудо́м во смире́нии прилага́я, посто́м и бде́нием с моли́твою пло́ть твою́ умерщвля́я и любо́вию все́х согрева́я. Те́мже и сподо́бился еси́ еще́ на земли́ досто́йно и пра́ведно воспева́ти а́нгельскую пе́снь Бо́гу: Аллилу́иа.

И́кос 7.

Но́ваго тя́ моли́твенника и чудотво́рца преди́внаго яви́ Госпо́дь в стране́ Росси́йстей, святи́телю о́тче Феодо́сие; те́мже и све́тло красу́ется тобо́ю Це́рковь Правосла́вная, я́ко дерзнове́ние ве́лие ко Христу́ и́маши, Ему́же моли́ся, святи́телю, о на́с гре́шных, любо́вию тебе́ вопию́щих сицева́я:

Ра́дуйся, пресве́тлый свети́льниче ве́ры правосла́вныя; ра́дуйся, правосла́вия стра́же неусыпа́ющий.

Ра́дуйся, благоче́стия ре́вностный побо́рниче; ра́дуйся, Це́ркве Бо́жия сто́лпе непоколеби́мый.

Ра́дуйся, хра́мино доброде́телей приукраше́нная; ра́дуйся, безстра́стия и чистоты́ ревни́телю преизря́дный.

Ра́дуйся, моли́твы сокро́вище неистощи́мое; ра́дуйся, та́ин Бо́жиих ве́рный строи́телю.

Ра́дуйся, па́ству твою́ в ве́ре и благоче́стии соблюда́яй; ра́дуйся, со святы́ми сликова́ния в Небе́сном Ца́рствии сподо́бивыйся.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 8.

Стра́нствие земно́е богоуго́дне соверши́в, святи́телю о́тче Феодо́сие, свя́то и пра́ведно почи́л еси́ о Го́споде сно́м сме́рти, я́же бы́сть тебе́ прохожде́ние от трудо́в на поко́й ве́чный; прия́л бо еси́ от Христа́ Бо́га вене́ц сла́вы нетле́нный и водвори́лся еси́ со святы́ми воспева́ти Ему́ ве́чно хвале́бную пе́снь: Аллилу́иа.

И́кос 8.

Ве́сь еси́ любо́вь неоскудева́ющая, святи́телю Бо́жий Феодо́сие; я́коже бо в житии́ се́м, та́ко и по преставле́нии к Бо́гу ча́д твои́х не оставля́еши; на все́х, к тебе́ ве́рою притека́ющих, ми́лостивне призира́еши, боля́щим исцеле́ние подава́я, скорбя́щих утеша́я, от бе́д избавля́я. Сего́ ра́ди, благода́рни су́ще, воспева́ем ти́ си́це:

Ра́дуйся, нищету́ духо́вную от ю́ности возлюби́вый; ра́дуйся, Христу́ в ме́ньших бра́тиях Его́ ве́рно послужи́вый.

Ра́дуйся, две́ри милосе́рдия Бо́жия на́м отверза́ющий; ра́дуйся, гне́в Бо́жий, пра́ведно на ны́ дви́жимый, на ми́лость прелага́ющий.

Ра́дуйся, по отше́ствии твое́м к Бо́гу с на́ми пребыва́ющий; ра́дуйся, умерщвле́нныя греха́ми ду́ши благода́тию Христо́вою оживля́ющий.

Ра́дуйся, исто́чниче сострада́ния к лю́дем приснотеку́щий; ра́дуйся, омраче́нных заблужде́ниями бла́гостный просвети́телю.

Ра́дуйся, с небе́сных высо́т на ско́рби на́ши призира́ющий; ра́дуйся, все́х на́с любо́вию твое́ю объе́млющий.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 9.

Вси́ лю́дие черни́говстии просла́виша Бо́га, егда́ услы́шаша о пресла́вном явле́нии твое́м, святи́телю Феодо́сие, прее́мнику твоему́ архиепи́скопу Иоа́нну, его́же от неду́га тя́жка исцели́л еси́, явля́я дерзнове́ние твое́ ко Го́споду. Сего́ ра́ди и потща́ся гро́б тво́й благоукраси́ти и подо́бие лица́ твоего́ над ни́м поста́вити, зовы́й ди́вному во святы́х Свои́х Бо́гу: Аллилу́иа.

И́кос 9.

Вети́и многовеща́ннии не возмо́гут восхвали́ти тя́ по достоя́нию, ве́чныя сла́вы досто́йнаго, святи́телю о́тче Феодо́сие; и кто́ мо́жет пове́дати мно́гая и пресла́вная чудеса́ твоя́, я́же источи́л еси́ от нетле́нных моще́й и ико́н твои́х святы́х; о се́м у́бо ра́дующеся и Бо́га, святы́х Свои́х прославля́ющаго, сла́вяще, вопие́м ти́ си́це:

Ра́дуйся, в пресве́тлых ра́йских черто́зех обита́ющий; ра́дуйся, нетле́нием моще́й твои́х зарю́ о́бщаго воскресе́ния на́м предпоказу́ющий.

Ра́дуйся, в виде́ниих во бла́го ве́рующим явля́ющийся; ра́дуйся, в со́ниях на моли́тву к твоему́ хода́тайству призыва́ющий.

Ра́дуйся, сле́зы и воздыха́ния скорбя́щих с любо́вию утоля́ющий; ра́дуйся, проше́ния тружда́ющихся и обремене́нных ско́ро исполня́ющий.

Ра́дуйся, от внеза́пныя сме́рти ве́рных избавля́ющий; ра́дуйся, да́нныя Бо́гу обе́ты исполня́ти побужда́ющий.

Ра́дуйся, слепы́м прозре́ние, глухи́м слы́шание подаю́щий; ра́дуйся, о́тче чадолюби́вый, я́коже ко́кош под криле́, духо́вная ча́да твоя́ у гро́ба твоего́ собира́ющий.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 10.

Спасе́ние ве́чное унасле́довал еси́, святи́телю Феодо́сие, и све́тло ны́не лику́еши со А́нгелы и все́ми святы́ми, при́сно созерца́я пресве́тлое лице́ Христа́ Бо́га на́шего, Его́же моли́ти не преста́й за ны́ гре́шныя, да твои́м заступле́нием сподо́бимся ку́пно с тобо́ю воспева́ти Ему́: Аллилу́иа.

И́кос 10.

Стена́ огражде́ния в Це́ркви Правосла́вней явля́ешися, святи́телю Бо́жий, мно́жеством ди́вных чуде́с твои́х ве́рныя утвержда́ющая и явле́нием си́лы Бо́жией вся́ ерети́ческая мудрова́ния отража́ющая; наста́вников бо раско́ла нетле́нием моще́й твои́х зело́ удиви́л еси́ и испове́дати и́стину правосла́вия возбуди́л еси́. Те́мже со стра́хом и благогове́нием вку́пе с ве́рными взыва́ху ти́ си́це:

Ра́дуйся, прославле́нием моще́й твои́х все́х на́с ра́дости испо́лнивый; ра́дуйся, нетле́нием телесе́ твоего́ неве́рие глаго́лемых старообря́дцев в ве́ру претвори́вый.

Ра́дуйся, е́ресь шту́нды чудесы́ пресла́вными посрами́вый; ра́дуйся, жену́ от лю́торовы е́реси кре́стное зна́мение правосла́вне полага́ти научи́вый.

Ра́дуйся, младе́нцу слепо́му у моще́й твои́х внеза́пу прозре́ние дарова́вый; ра́дуйся, немотству́ющий язы́к пома́занием еле́я от лампа́ды твоея́ разреши́вый.

Ра́дуйся, те́м же еле́ем стру́пы неисце́льныя исцеля́яй; ра́дуйся, бли́з сме́рти су́щих боля́щих к жи́зни возвраща́яй.

Ра́дуйся, я́ко лише́ннии ра́зума у моще́й твои́х благода́тию Христо́вою исцеля́ются; ра́дуйся, я́ко и пелены́ от гро́ба твоего́ чудоде́йствуют.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 11.

Пе́ние моли́твенное не умолка́ше у моще́й твои́х, святи́телю Феодо́сие, от дне́ погребе́ния да́же до дне́ прославле́ния твоего́ со святы́ми, егда́ собо́р святи́телей Це́ркве Росси́йския со сла́вою из пеще́ры мо́щи твоя́ изнесе́ и в собо́рней це́ркви гра́да Черни́гова на о́бщее поклоне́ние че́стне положи́. Приими́ у́бо и на́ше смире́нное пе́ние хвале́бное и помози́ на́м покая́нием очи́ститися, да во исполне́нии за́поведей Христо́вых преуспева́юще и тобо́ю наставля́еми, с тобо́ю благода́рственне вопие́м Бо́гу: Аллилу́иа.

И́кос 11.

Свети́льник благода́тный бы́в в житии́ твое́м, святи́телю Феодо́сие, ти́хим све́том смире́ния и любве́ на све́щнице Це́ркве Христо́вы сия́ющий, и по преставле́нии твое́м возсия́л еси́, я́ко со́лнце, преди́вными чудесы́ мглу́ раско́ла и ересе́й разгоня́я и ве́рных сердца́ к Бо́гу обраща́я. Те́мже, с любо́вию пра́зднующе святу́ю па́мять твою́, вопие́м ти́:

Ра́дуйся, звездо́ лучеза́рная, над земле́ю черни́говскою возсия́вшая; ра́дуйся, и всю́ страну́ Росси́йскую све́том свои́м озари́вшая.

Ра́дуйся, гра́да Черни́гова сла́во и огражде́ние; ра́дуйся, всея́ земли́ на́шея стра́же неусы́пный и те́плый моли́твенниче.

Ра́дуйся, у Престо́ла Царя́ ца́рствующих за царя́ на́шего предста́тельствующий; ра́дуйся, я́ко и́мя твое́ по все́й стране́ на́шей от конца́ в коне́ц прославля́ется.

Ра́дуйся, я́ко явле́нии твои́ми неве́рныя в ве́ру правосла́вную обраща́еши; ра́дуйся, я́ко чудесы́ твои́ми иносла́вныя к правосла́вию наставля́еши.

Ра́дуйся, я́ко с небе́сными си́лами при́сно Бо́гу воспева́еши; ра́дуйся, я́ко на небесе́х вы́ну сла́ву Его́ созерца́еши.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 12.

Благода́ти Бо́жией сосу́д избра́нный бы́л еси́, святи́телю Феодо́сие; благода́ть Бо́жию и в по́мощь не́мощи на́шей испроси́ у Го́спода, да се́ю благода́тию спаса́еми, присноборю́щия ны́ стра́сти победи́м, и то́ю укрепля́еми, Пода́теля все́х бла́г Го́спода Иису́са всегда́ с тобо́ю прославля́ем, зову́ще Ему́: Аллилу́иа.

И́кос 12.

Пою́ще мно́гая и пресла́вная чудеса́ твоя́ и прославля́юще вели́кия по́двиги твоя́, святи́телю о́тче на́ш Феодо́сие, со умиле́нием се́рдца сла́вим, хва́лим и велича́ем возвели́чившаго тя́ Го́спода, в тебе́ я́вльшаго на́м но́вое зна́мение Своего́ благоволе́ния к Це́ркви Правосла́вней, я́ко ве́чному столпу́ и утвержде́нию и́стины; тебе́ же, я́ко те́плому предста́телю на́шему пред Бо́гом, возглаша́ем сицева́я:

Ра́дуйся, в вертогра́де Госпо́дни от у́тра до ве́чера жи́зни твоея́ до́бре потруди́выйся; ра́дуйся, в ра́дость Го́спода своего́, я́ко ра́б благи́й и ве́рный, вше́дый.

Ра́дуйся, житие́м твои́м пу́ть в оби́тели небе́сныя на́м показа́вый; ра́дуйся, венце́м безсме́ртия и сла́вы небе́сныя увенча́нный.

Ра́дуйся, не́ба церко́внаго звездо́ пресве́тлая; ра́дуйся, земли́ Росси́йския похвало́ пречу́дная.

Ра́дуйся, я́ко со все́ми святы́ми в го́рних обита́еши; ра́дуйся, я́ко и на́с гре́шных на земли́ любо́вию посеща́еши.

Ра́дуйся, и́мже Христо́с просла́вися; ра́дуйся, и́мже сатана́ посрами́ся.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 13.

О вели́кий уго́дниче Бо́жий и чудотво́рче, святи́телю о́тче на́ш Феодо́сие! Приими́ сие́ ма́лое моле́ние на́ше, в похвалу́ тебе́, а́ще и недосто́йне, оба́че с любо́вию сыно́внею приноси́мое, и умоли́ Го́спода Бо́га изба́витися на́м от вся́ких бе́д, скорбе́й и напа́стей, от междоусо́бныя бра́ни и внеза́пныя сме́рти, и от муче́ний ве́чных в бу́дущем ве́це, и сподо́битися в ве́чней жи́зни с тобо́ю воспева́ти Ему́: Аллилу́иа.

Этот конда́к читается трижды, затем и́кос и 1-й конда́к 1-й.

И́кос 1.

А́нгел во пло́ти яви́лся еси́, богому́дре Феодо́сие, а́нгельскими нра́вы измла́да себе́ украша́я; те́мже и А́нгел це́ркве Черни́говския досто́йне поста́влен бы́л еси́ от Бо́га, все́х наставля́я ко спасе́нию и все́м явля́я в себе́ пра́вило ве́ры и о́браз кро́тости, воздержа́ния же и любве́. Сего́ ра́ди, ча́да твоя́ су́ще, любо́вию вопие́м ти́ си́це:

Ра́дуйся, А́нгеле земны́й и челове́че небе́сный; ра́дуйся, небе́сных си́л собесе́дниче и сослужи́телю.

Ра́дуйся, в житии́ твое́м безпло́тным поревнова́вый; ра́дуйся, и по сме́рти с ни́ми водвори́выйся.

Ра́дуйся, от ю́ности Христа́ все́м се́рдцем твои́м возлюби́вый; ра́дуйся, от у́тра жи́зни твоея́ Тому́ еди́ному порабо́тавый.

Ра́дуйся, вся́ за́поведи Госпо́дни ве́рно и непоро́чно сохрани́вый; ра́дуйся, мно́г пло́д духо́вный о Христе́ сотвори́вый.

Ра́дуйся, усе́рдною моли́твою ду́х тво́й окрили́вый; ра́дуйся, чту́щих любо́вию па́мять твою́ от бе́д покрыва́ющий.

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Конда́к 1.

Избра́нный чудотво́рче, вели́кий уго́дниче Христо́в, святи́телю о́тче Феодо́сие, нетле́нием моще́й твои́х и мно́жеством чуде́с от Бо́га просла́вленный, в пе́снех ра́достных ублажа́ем тя́, засту́пника на́шего. Ты́ же, я́ко име́яй дерзнове́ние ко Го́споду, от вся́ких на́с бе́д свобожда́й, да зове́м ти́:

Ра́дуйся, уго́дниче Бо́жий, святи́телю Феодо́сие, чудотво́рче пресла́вный.

Моли́тва.

О свяще́нная главо́, кре́пкий на́ш моли́твенниче и засту́пниче, святи́телю Феодо́сие, услы́ши на́с, с ве́рою призыва́ющих тя́ и усе́рдно припа́дающих к ра́це честны́х и многоцеле́бных моще́й твои́х (или́: ико́не твое́й). Помина́й на́с у Престо́ла Вседержи́телева и не преста́й моли́тися за ны́. Ве́мы, я́ко грехи́ на́ши разлуча́ют на́с между́ на́ми и тобо́ю, и недосто́йни есмы́ толи́каго отца́ и хода́тая. Но ты́, бы́в подража́тель человеколю́бия Бо́жия, не преста́ни вопия́ о на́с ко Го́споду, испроси́ предста́тельством твои́м у Всеми́лостивейшаго Бо́га на́шего ми́р Це́ркви Его́, на земли́ во́инствующей, па́стырем ея́ си́лу ре́вностно подвиза́тися о спасе́нии люде́й. Умоли́ Небе́снаго Отца́ все́м на́м пода́ти да́р, коему́ждо благопотре́бен, ве́ру и́стинную, наде́жду тве́рдую и любо́вь неоскудева́ющую, градо́в на́ших утвержде́ние, ми́ра умире́ние, от гла́да и па́губы избавле́ние, от наше́ствия иноплеме́нников сохране́ние, ю́ным и младе́нцем благо́е в ве́ре возраста́ние, ста́рым и немощны́м утеше́ние и подкрепле́ние, боля́щим исцеле́ние, сирота́м и вдови́цам ми́лость и заступле́ние, заблу́ждшим исправле́ние, бе́дствующим благовре́менную по́мощь. Не посрами́ на́с в упова́нии на́шем, споспе́шествуй, я́ко оте́ц чадолюби́вый, и на́м понести́ и́го Христо́во во благоду́шии и терпе́нии, и все́х упра́ви в ми́ре и покая́нии непосты́дно сконча́ти живо́т сво́й и Ца́рствия Бо́жия насле́дником бы́ти, иде́же ты́ ны́не водворя́ешися со А́нгелы и все́ми святы́ми, прославля́я Бо́га, в Тро́ице сла́вимаго, Отца́ и Сы́на и Свята́го Ду́ха. Ами́нь.

Подать записку

На нашем сайте вы можете подать записку (заказную на Литургию, записку на панихиду, Сорокоуст) и совершить пожертвование на молебен о своих родных и близких (только крещеных!)

подробнее